Kelmundur

hmmmm....

2006-05-02T22:20:00.000Z

You fit in with:
Spiritualism

Your ideals are mostly spiritual, but in an individualistic way. While spirituality is very important in your life, organized religion itself may not be for you. It is best for you to seek these things on your own terms.

40% spiritual.
40% reason-oriented.

Take this quiz at QuizGalaxy.com

hmmm....

2006-05-02T22:16:00.000Z

http://img.quizgalaxy.com/bg-map.jpg">

Take'>http://www.quizgalaxy.com/quiz.php?id=47">Take this quiz at QuizGalaxy.com

Newman

2006-05-02T21:55:00.000Z

Nýr maður byrjaði hjá Landó (fer vonandi ekki á milli mála hvern ég umgengst mest) fyrir helgi. Sá heitir Jason og kemur frá Kanada. Hann er vestur-Íslendingur og er 50% icelander. Býsna skemmtilegur piltur, heyrði auðvitað strax á mínum fágaða hreim að ég hefði búið í USA. ;) Við Hallur vorum svo ánægðir með nýliðan að við fórum strax með hann á pöbbinn fyrsta daginn og hann sá bæði Herbert Guðmundsson og hitti Jón Þór!! Þar með held ég að hann sé búinn að sjá svona flóruna eins og hún gerist best.

En hvað um það, gerði nú ekkert ýkja merkilegt um helgina, fór á ball í Gunnarshólma á föstudaginn og kíkti á Kristján á sunnudaginn. Annars held ég að ég hafi þetta ekki mikið lengra. Réttast að halda að skjánum en móðir mín og Ösp halda ekki vatni yfir þættinum "Fangaflakk" (persónuleg þýðing) og mamma stekkur fram úr sjónarpsherbergi í spenning því hún getur ekki horft á spennuna í þættinum.

Heyrumst

MySpace

2006-04-24T22:47:00.000Z

Nú er alltíeinu MÆSPEIS síðan orðin ógurlegt tískufyrirbryggði, það eru allir að nauðga þessu dæmi. Ég fék mér svona síðu fyrir löngu síðan en það hefur örugglega enginn séð hana því hún hét alltaf bara www.myspace.com/848466623889834

En núna er ég semsagt búinn að breyta nafninu og ætla nú að reyna að halda þessu eitthvað við. Ég fékk meira að seigja auglýsingu með:

Find me on MySpace and be my friend!

Aðeins rusl

2006-04-23T11:16:00.000Z

Loksins loksins pósta ég. Alveg innantómur eftir páskafrí og stuttar vinnuvikur.

Ég er búinn að átta mig á því að ég á bara enga vini lengur. Ég fæ aldrei neitt annað en ruslpóst eða frwd. í mailið mitt, það er aðeins hringt í mig um helgar og þá er yfirleitt áfengi sem veldur því að menn telja sig knúna til að hringja, og enginn kíkir í heimsókn lengur! Hvað á þetta að þýða. Og svo á ég alltaf að vera tilbúinn til að koma til fólks og gera og græja. T.d. fékk ég tvo jólapakka frá mínum nánustu vinum um jólin síðustu (og þá eru meðtalin jólakort), og hvað sendi ég marga? Svona 10, að minnstakosti!!

Óh, mig auman.

Svo er ég alveg að koksa á þessu Motýl dæmi. Ég get svarið það. Það hefur ekki verið æfing núna í ábyggilega mánuð, ef ekki meira, og strákarnir hafa ekkert hringt eða haft samband. "Eigum við ekki að æfa?". Ég á greinilega að sjá um þetta allt saman einn og því nenni ég ekki. Ég fæ ekkert útúr því að vera í hljómsveit með áhugalausu fólki.

Hinsvegar eru önnur bönd að fæðasts í höndunum á mér og það gleður mig, og þar held ég líka að fólk taki málinu svolítið alvarlega. Spila af innlifun og eins og það skipti einhverju máli, því ef auðvitað er þetta tilgangslaust annars. Ef tónlistin myndi ekki gera neitt fyrir mig þegar ég tek upp gítarinn og set í óverdrævið væri ég löngu búinn að seljann.
En annarsvegar erum við að tala um gríðarlega hæfileikaríka drengi í þykkvabæ sem eiga algjörlega eftir að brjótast úr skelinni tel ég, og hinsvegar er búið að steypa saman hljómsveit úr Motýl og Út-Exit og er svo límkíttið Óskar Þormars. notaður í steypuna einnig og lemur hann húðir. Þetta lítur alltasaman ofsalega vel út og ég hlakka mikið til að fara að gera eitthvað með þessum böndum.

En ég held að ég hafi þetta ekki lengra í bili.

Belss

Dísætt í botninn

2006-03-15T19:04:00.000Z

Hér ligg ég uppí rúmi, nýkominn úr vinnu, hálf kvefaður (en það þýðir að ég er ekki með hita en mikin hósta) og hugsa um gærkvöldið og allt sem á undan því gekk. Já í gærkvöldi var Motýl upphitunarhljómsveit fyrir Hermigervil, Ampop og Dikta sem túra nú landið af krafti í samvinnu við Rás2, og nefnist tónleikaferðalagið "Rás2 rokkar hringinn". Við félagarnir vorum allir ornir rosa spenntir enda ekki lítil nöfn sem þarna eru á ferðinni. En veikindin gera ekki boð á undan sér frekar en óhöppin og auðvitað þurfti Gissur að fá þessa líka hastarlegu flensu deginum fyrir tónleika og treysti sér ekki í spilerí. Dikta menn voru nú sjálfir allir hálf tuskilegir að sjá enda nýkomnir frá Ísafirði þar sem bærinn lá víst allur í flensu og enginn mætti á tónleikana hjá strákgreyjunum. Þetta var engu að síður býsna skemmtilegt í gær þrátt fyrir fámenni og ég braut gítarinn minn í tilefni af því. Bara svona fyrir ykkur sem ekki mættuð þá gerist alltaf eitthvað stórfeinglegt þegar fáir eru á Motýl tónleikum!! Það mætti bara næstsum enginn af okkar nánustu aðdáendum þrátt fyrir að ég hafi sent yfir 50 sms á minn eigin kostnað, kannski 5 komu af þeim sem ég sendi; það sýnir bara hvar maður hefur vini sína.

En ég nenni nú ekki að rausast yfir þessu mikið lengur... góðar fréttir eru framundan, nýjir tímar eru að ganga í garð.

Faðir vor fann sig í Ásnum og vann
fylgir ég held honum heilagur draugur.
Ekkert hann stöðvar en Ameríka fann
að Alþingi grét því saklaus er Baugur.

Tankjú verímötsh.

1. mars 2006, Öskudagur og fyrsti vinnudagurinn hjá landgræðslunni.

2006-03-01T18:44:00.000Z

Það var margt sem fór í gegnum huga minn í dag, þennan fyrsta dag mánaðarins og jafnframt fyrsta vinnudaginn í nýju vinnunni uppí Gunnarsholti þar sem ég mun vinna við landgræðslu störf næsta hálfa árið eða svo. Var eg strax settur í lið tveggja, annar ungur sem ég kýs að kalla Rauð, og annar eldri sem ég mun hér í þessu bloggi nefna Amerika man, en sá er með vinstra kinnbeinið mestmegnis úr plasti eftir að spennutaug slitnaði og skaust í andlitið áonum þegar hann var á sjó. Augað fór víst einnig í hakk. Það er furðulegur en skemmtilegur mannsöfnuður sem er við vinnu í Gunnarsholti, allir karlmenn með bullandi fordóma fyrir útlendingum sem vinna úti og nær allt kvennmenn sem elda og sjá um skrifstofumál.

Á meðan ég sat inní hittamollunni í 20° heitu gróðurhúsinu og hamaðist með klippunum á loðvíðirnum hlustaði ég á American men fara með grófustu klám vísur og bölva hinu og þessu sem útvarpið sagði og spilaði í sand og ösku. Rauður sat og saman hlóum við útí annað að gamla, en hann er hæfilega skemmdur af áfengisneyslu og reykingum auk þess sem hann er orðin bilaður á því að vera á sjó, en það sagðann mér sjálfur; alltsvo að menn yrðu bilaðir á því að vera á sjó. Í eitt skiptið var Rauður var að seigja mér sögu af útlendingum sem sátu á bekk í austurstræti, hæstánægðir með verði á bjór hér á íslandi, með kassa af léttöli við lappirnar. Ég sagði honum að mér þætti nú gott að fá mér pilsner annað slagið, þá sagði America: "Mér finnst gott að horfa á tækin mín og sjá rótsterkan spíran renna ofaní flöskurnar. Svo tekur maður sopa og kúgast hressilega af þeim fyrsta því það er ósíjaður landi." Ég gat ekki stillt mig um að hlæja að honum. Eftir vinnudaginn hefur maður um mjög margt að hugsa sem hann sagði við mann og kem ég líklega til með að tala mikið um hann á blogginu.

Hafið þið heyrt um kellinguna sem skrollaði? "Hún skrollaði líka þegar hún fékk það." (Amerika man)

Spáiði aðeins í þessu...

Ble

Keli dropout skrifar.

2006-03-01T07:08:00.000Z

Hola!

Eins og þið kannski takið eftir þá er þessi póstur ekki póstaður seinnipart dags, að kvöldi eða jafnvel nóttu eins og áður hefur tíðkast! Ónei, hér sit ég nú, kl. 12 mínútur yfir 7 og drekk morgunkaffi ásamt föður, nýbúinn að baka fáeinar amerískar pönnukökur og snæða með Ösp sem er nú þegar farin í vinnuna, og ég er í þann veginn að fara. Og hvert er ég að fara, jú ég er að fara í vinnuna, en ég er kominn með vinnu í Landgræðslu ríkisins í Gunnarsholti. Þar kem ég til með að vinna mest úti sem er mjöög gott. Ég get ekki sagt annað en mig hlakki til að takast á við garðyrkju- og skóræktarstörf, svo þarf ég ekki einu sinni að borga fyrir fæði... svo að ég sjái minnstakosti.

Ég mun láta vita í kvöld hvernig dagurinn fór; Lord have mercy on me!

Chao bella!

Enga stóriðju!

2006-02-24T11:17:00.000Z

Ég hef aldrei komist upp á lagið með að forwarda póst þannig að ég set þetta bara hér svo að þið sjáið það allavegana, og síðin nú hörku!!

Kæru félagar,
ykkur gefst kostur á því að skrifa undir yfirlýsingu á netinu á síðunni:
http://alver.muna.is
Látið sem flesta vita um þessa síðu.
Bestu kveðjur,
Hlynur Hallsson

FJÖLBREYTT ATVINNULÍF - EKKI ÁLVER

Öflugt og fjölbreytt atvinnulíf er nauðsynlegt hverju byggðalagi.
Álver mun leiða af sér fábreyttari atvinnutækifæri og hindra önnur
fyrirtæki í að vaxa og dafna. Stöndum vörð um annars konar stóriðju
menntunar, sjávarútvegs, matvælaiðnaðar, ferðaþjónustu og
nýsköpunarfyrirtækja. Norðlendingar eiga ekki að sætta sig við að
ákvarðanir um framtíð þeirra séu teknar af erlendum aðilum. Forðumst loft-
og sjónmengun. Höfnum álveri á Norðurlandi.

--
Hlynur Hallsson 6594744
----------------------------------

líttu á http://www.hallsson.de
http://www.hallsson.de/never
http://www.gagnauga.is
http://www.palestina.is
http://www.murinn.is
http://www.vinstri.is
http://www.fridur.is
http://www.vg.is

"Ég heiti Megas og ég kem úr Vesturbænum."

2006-02-22T17:01:00.000Z

Jæja, nú hef ég ákeðið að hefja netskrif aftur af fullum krafti, enda kominn heim í sveitasæluna, laus við syndir og nautnir borgarinnar, borg óttans.

Ég vil nú hefja þetta fyrsta blogg mánaðarins á því að þakka stúlkunum á Nöldrinu fyrir heiðursnafnbótina, ég varð bókstaflega klökkur og ákvað a standa nú heit mitt og blogga helst daglega! Ég mun ekki bregðast aðdáendum mínum þarna hinumegin við vef veraldarinnar.

Annars er það nú kannski helst að frétta jú að ég er kominn heim, ákvað að taka pásu í skólanum og hlaða batteríin, vinna mér inn einhverjum peningum svo ég geti bæði eytt meiru í USA og búið við betri kjör næsta haust þegar leiðin liggur á garða stúdentana í 101, ásamt Ösp auðvitað, en ég hyggst þá halda áfram að klífa fjall hámenntunar við Fjölbraut í Breiðholti eða eitthvað.

Motýl eru um þessar mundir að reyna að riðja sér til rúms, envið tókum upp tvö demo núna í síðustu viku sem heppnuðust með eindæmum ágætlega. Ég sendi aðra upptökuna á cod.is sem eru nú í óða önn að leyta að fyrirmyndar ungsveitum til að selja á netinu, nánar tiltekið á tónlist.is. Hef enn ekki fengið svar og er að verða áhyggjufullur, en best bara að slaka á, fá sér jasmín te, taka í japönsku æfingarkúlurnar, kveikja á reykelsi og vona það besta. Annars skuluði endilega fylgjast með Motýl í mars þar sem tónleikar eru væntanlegir í Fjölbrautarskóla Suðurlands og má engan vanta þar!!

Ég ætla að enda þetta annars ágæta blogg á skemmtilegri reynslu, eða uppákomu sem við faðir minn lentum í á mánudaginn þegar við skelltum okkur á Kaffivagninn niðrá granda til að létta af tilfinningaskálum okkar. Við vorum sestir með sitthvoran kaffibollan, faðir með smurða skonsu og ég með muffins. Fyrir þá sem ekki hafa komið á þennan yndislega stað, þá er þetta við höfnina niðrá granda, þarna koma einkum þeir sem minna meiga sín og eina tónlistin sem viðskiptavinir fá að heyra er í spilakössunum. Semsagt frekar gamaldags og reykmettaður staður sem bíður uppá feiknar gott kaffi og yndislegt meðlæti. En hvað um það; þegar við höfðum setið þarna inni í rúman hálftíma og linað þjáningar okkar ók bíll í hlað, undir stýrinu var ung kona og hafði hún það nú af að keyra á kantsteininn svo um munaði, en farðeginn var enginn annar en Megas, en þau settust við borð með tvennu öðru, ljósmyndara og annari og kveikti ég strax á perunni, þarna var verið að taka viðtal við kauða, og jújú, er ekki viðtalið bara í mogganum í dag! Réttir menn á réttum stað á réttum tíma.

Chao bella!

Til hamingju með afmælið Mozzart!

2006-01-28T19:24:00.000Z

Í gær varð meistari Mozzart 250 ára, og var haldið upp á þetta stórafmæli með margskonar skemmtidagskrá víðsvegar um heiminn, t.d. á íslandi en Ríkissjónvarpið tók sig til og byrjaði dagskránna kl. 7 í gærmorgun og sýndu frá hinu ýmsu konsertum og klassískum verkum eftir kappann.

Ég hef nú ekki kynnt mér verk Mozzarts ítarlega en veit þó að hann var og er einn sá vinsælasti í bransanum og samdi yfir ævidaga sína hundruðir verka, og hef ég heyrt að hann hafi fyrst gefið frá sér verk um 7 ára aldur, flóknar og skemmtilegar útsettningar fyrir heila sinfóníuhljómsveit. Sjálfur hef ég meiri áhuga á Rachmaninoff og Bach.

Fyrir áhugasama þá er í vændum tónleikar í hinu húsinu, motýl og út-exit munu þar slá á létta strengi og gleðja lýðinn næstkomandi fimmtudag. Endilega kíkið þangað, það verður eflaust stórkemmtilegt.

Lifið heil.

Topp 10 - Bestu Plötur Ársins 2005http://www.blogger.com/img/gl.link.gif

2006-01-11T20:54:00.000Z

Guden tag!

Hér kemur langþráður listi yfir 10 bestu plötur ársins að mínu mati.

1. System of a Down - Mezmerize/Hypnotize
2. Sigur Rós - Takk...
3. ...And You Will Know Us By the Trail of Dead - Worlds Apart
4. Coldplay - X&Y
5. The Mars Volta - Scab Dates
6. Beck - Guero
7. Green Day - American Idiot
8. Mínusbarði - Strákarnir Okkar
9. Queens of the Stone Age - Lullabies to Paralyze
10. The White Stripes - Get Behind Me Satan

Þá er það komið, takk fyrir mig.

Nýtt ár, nýr dagur, nýr maður.

2006-01-02T16:31:00.000Z

Árið byrjar ekki sérdeilis vel. Hér dynur rigning og rok á gluggana, dagurinn heilsar og kveður með endalausu myrkri og vonleysi. Ó hvað mig langar að fljúga héðan, eitthvað langt í burtu og koma ekki heim aftur fyrr en eftir svona sirka ár.

2006: Hvað bíður mín?
1.) Motýl í stúdíó vonandi
2.) No more smoking!!
3.) America
4.) Sumar með endalausri vinnu og djöfulgangi
5.) Haustið með draumi sem rætist loksins!!
6.) Vonandi eitthvað stórt sem kemur mér á óvart. Mig er búið að vera að dreyma og dreyma furðulegustu drauma, það hlýtur eitthvað að fara að ske í þessu lífi!!!

Jóla- og áramótakveðja!

2005-12-27T19:38:00.000Z

Kæru vinir, hef ekki skrifað núna í lengri tíma. Kasta hér með kveðju á alla sem fengu ekki kort um jólin.

Gleðileg jól og farsælt komandi ár! Þakka liðið.

Ykkar einlægi,

-Keli

The Mighty K Project - The K Album komin út!

2005-12-15T16:59:00.000Z

Góðir hálsar!

Síðastliðna mánuði hef ég verið að dunda mér við að búa til lög í nýja flotta makkanum mínum. Eftir að hafa samið efni í heila plötu stofnaði ég projectið mitt: The Mighty K Project og platan ber nafnið "The K Album".

Heimasíðu er að finna hér: +++

Ef þið viljið eintak hafið samband við mig og ég mun koma því til ykkar hið snarasta. Hef ekki í hyggju að neiða neinn til að borga en auðvitað er það mikils metið ef þið styrkið verkefnið með fjármagni.

Kveðja...

K

Blah Apparel

2005-12-07T14:36:00.000Z

Það hefur verið lítið um blogg uppá síðkastið, enda próf í fullum gangi. Ég reyndar bara í þrem en það er sama. Læri lær. Og svo vinna og mússík og myndir. Úff, þetta ætlar engan enda að taka.

Reyndar held ég að ég sé að deyja úr streytu. Ég er dauðstressaður vegna jólanna, á varla pening fyrir jólagjöfum, diskurinn ekki tilbúinn og allt þar frameftir götunum. Tala nú ekki um prófin, ef eitthvað er stressfull þá eru það próf!! Ég er skíthræddur við þau öll saman. Ég veit hreinlega ekki hvað ég á að gera til að slaka á. Mig langar mest að setjast að einhverstaðar uppí sveit þar sem stressheit borgarinnar angra mig ekki, með gítar og helst heitan pott og búa til tónlist í mánuð eða svo. Það væri ultimate solution á mínum vanda. Og svo vildi ég líka að ég ætti 5 milljónir og þyrfti ekki að hafa áhyggjur af því um hver mánaðarmót að fá útborgað því að ég veit að það fer hvort sem er í skuldir til bankanna, og hvað gera þeir; taka peningana mína og braska með þá úti í löndum. Afhverju get ég ekki bara fengið að vera í friði? Jú jú, ég er svosem búinn að byggja þetta upp hjá mér sjálfur.

Best að hætta að væla og byggja upp innri reiði gagnvart bönkunum.

"Leitið og þér munið finna."

Samkynhneigður trúarsöfnuður

2005-11-24T11:46:00.000Z

Ég datt inná mjög athyglisverðar umræður á X-fm í morgun. Það hefur nú verið að umræðunni að frelsa samkynhneigða úr viðjum þjáningar og hleypa þeim inn í Þjóðkirkjuna, leyfa þeim að giftast og allan pakkan. Í morgun var semsagt verið að tala um þetta og það hringdi inn ekki svo vitlaus strákur sem benti á eftirfarandi punkta:

Samkvæmt Biblíunni er samkynhneigð sind, og hví ættu samkynhneigð hjón að fá að gifta sig í heilagri kirkju þegar það er einfaldlega talin sind?
Er það eðlilegt trúnni samkvæmt að kirkjan breytist eftir því sem þjóðfélagið breytist? T.d. að núna allt í einu þegar samkynhneigð er ekki jafn mikið tabú og áður var þá sé það sjálfgefið að hjónaband samkynhneigðra sé vígt í kristinni kirkju?
Og í sambandi við þetta, þá virðist það ekki vera að kirkjan sé að reyna að breyta þessu, né samkynhneigðir sjálfir, heldur er það Alþingi sem er að pressa á þetta og það eru þingflokkarnir sem eru að mynda sér skoðun, hvorki kirkjan né samkynhneigðir.
Og kirkjan hefur nú heldur ekki komið neitt sérstaklega vel fram við samkynhneigða í gegnum tíðina, afhverju ætti þeim að langa að gifta sig í kirkju??
(svo kom aðalpunkturinn í endan sem mér fannst bestur:)
Væri ekki réttast að samkynhneigðir stofnuðu sinn eigin söfnuð, það er nú ekkert nýtt að nýr söfnuður sé stofnaður á íslandi og hundruðir manna sem kjósa að túlka Biblíuna á annan hátt en mótmælendur, hví ekki bara að gefa skít í þetta allt saman og stofna sinn eigin?

Mér fannst þetta allt saman mjög fínar hugmyndir og held ég bara að ég sé sammála þessu öllusaman.

Halló! Er einhver heima?

2005-11-17T15:53:00.000Z

Ég held stundum að það sé rétt sem að paunkararnir sögðu, það virðist vera að aðeins 30% jarðarbúa séu að hugsa svona almennt.

Í dag í sögu vorum við að tala um Bandaríkin, og líkt og með trúmál hjá ungu fólki í dag þá virðast allir vera á móti Bandaríkjunum og beinlínis öllu. Þegar spurt er afhverju virðist fólk ekki hafa svör reiðum höndum... "...af því að þeir eru alltaf í stríði." og annað gott tilsvar var "...þeim er alveg sama þótt þeir séu að drepa fólk." Svo kom nú það besta, en þá var spurningin reyndar, afhverju helduru að Bandaríkin séu jafn öflug og raun ber vitni? Þá sagði nú ein: "Af því að forsetinn gerir bara það sem honum sýnist." Og þessi var sko ekkert að grínast gott fólk.

Sannleikurinn er nú sá að Bandaríkin eru korn-ung þjóð og hafa ekkert drepið neitt fleira fólk eða farið í fleiri stríð en Kína, Bretland, Frakkland og þessi stórveldi. Tala nú ekki um Grikki, þeir hafa nú stráfellt nokkra áður en sjónvarpið kom og sýndi myndir úr stríðum Bandaríkjamanna. Bandaríkin eru í raun svo öflug vegna þess að þar gengur þjóðfélagið upp alveg eins og það á að gera. Þar eru menn sameinsaðir í að vinna úr vandamálunum, reyndar er það ekki gott að forsetinn sé api, en fólkið í landinu skiptir öllu máli og það er galdurinn á bak við velgengni usa.

Og ef einhver vill mótmæla þá seigi ég bara eitt...

BRING IT ON!!!

Lærdómshelgi og vikan framundan.

2005-11-14T14:07:00.000Z

Úff já, það er ekki laust við það að Georg gamli Mandla hafi gert mér lífið leitt um helgina. Hans vegna hékk ég heima alla helgina hálf dasaður af skammdeigisþunglyndi og svo auðvitað reykleysisþunglyndi. Það er í raun fáránlegt hversu mikil sálræn áhrif þetta helvítis nikótín hefur á mann fyrstu daganna. En eftir daginn í dag ætti ég að vera laus við efnið, og get þá farið að "anda léttar".

En fyrst að ég er nú í svona líka hélvíti góðu skapi eftir góða helgi í sveitinni og svona langar mig að benda á nokkrar skemmtilegar, sögulegar staðreyndir sem eiga við þennan ágæta dag, þann 14. nóvember:
> Í dag er afmælisdagur uppáhalds málara lítlu systur minna, hins franka Claude Monet (1840)
> Þennan ágæta dag árið 1851 kom út bókinn fræga eftir Herman Melville, Moby Dick.
> Nú og 14. nóv, 1969 skaut NASA á loft geymskuttlunni Appolo 12, sem var indeed annað tungl missionið í sögunni, og var fyrsta pinpoint lendingin á tunglinu.

Það eru annars rétt tæpar tvær vikur í Sigur Rós í höllinni og nú er spennan farin að vaxa gott fólk!

kveð að sinni...

Lagasmíðakeppni MK

2005-11-12T17:58:00.000Z

Síðastliðinn miðvikudag tókum við Bjarni G. upp gamla strengi á ný þegar við sigruðum lagasmíðakeppni Menntaskólans í Kópavogi sem fór fram á Gauki á Stöng. Þetta gerðist þannig að hann hringdi í mig á mánudeginum og bað mig um að koma og hjálpa sér að semja lag, en ritstíflur eru eins og allir vita, bráðsmitandi og það gekk ekkert hjá okkur félögunum. En við ákváðum að taka gamalt lag sem ég samdi í Bandaríkjunum haustið 2003 og heitir Love Is... Ógurlega fallegt og hugljúft lag sem auðvelt er að hlusta á.

Í dómnefnd voru ekki síðri menn en Óttar Proppé, Björn Thorroddsen og Davíð Smári idolstjarna. Ég skoðaði bara núna áðan síðu MK, og þar kemur þessi sviplega rangfærsla fram:

"Sigurvegari kvöldsins var hljómsveitin Dash. Hana skipa tveir piltar en reyndar er aðeins annar þeirra nemi MK. Hinn er nemi í Verslunarskóla Íslands og er höfundur lagsins. Vekur það furðu ritstjórnar að hann skuli teljast gjaldgengur í þessa keppni."

Ég er ekki nemi í Verslunarskóla Íslands kæra ritstjórn, mamma ykkar vekur furðu og þið eruð öll sérstök inní ykkur!

Þakka dómörunum kærlega fyrir úrskurðinn, það er sérlegur heyður að fá slíka viðurkenningu frá mönnum á þessu stigi.

Amen.

Tónlistarstefnan 'Þungur málmur'

2005-11-09T12:45:00.000Z

Já, það er orðið töluvert langt síðan eitthvað vitrænt birtist á þessari síðu. En hvað getur maður gert, ekki eigið þið kærustu, eruð í tvem hljómsveitum, fullum skóla og 50 % vinnu! ...OG flutt að heiman! Þetta er ekki auðvelt líf.

En ég reyni að þrauka, þetta er auðvitað það skemmtilegasta sem ég hef upplifað, en maður verður alltaf að hafa eitthvað fyrir því.

Veit ekki hvort þið eruð búin að sjá skemmtilega kommentið sem ég fékk, en ég á greinilega öruggan starfsbróður í framtíðinni. :) Eða kollega. Alltaf gaman að heyra frá fleirum sem bera þennan draum í brjósti, það er nefnilega rétt sem hann sagði, það eru fáir íslendingar lærðir í þessu og það mætti alveg aukast, þar sem eftirspurn eftir hljóðverum eykst og eyskt, því fljöldi hljómsveita eykst og eykst!

Heyrðu, fréttir!!! Gissur tók sína fyrstu tónleika með Motýl á fimmtudaginn í síðustu viku og gerði það svo sannarlega með glæsibrag! Við tókum bara 6 vel valin lög og æfðum (of lítið) en Gissur stóð sig eins og hetja, hann á sko framtíðina fyrir sér með þessari hljómsveit. Mikið af góðu efni í pokahorninu og ég get hreinlega ekki beðið eftir því að komast í stúdíó!

Ég held að ég seigji þetta gott í bili, það er vont veður og menn að verða létt þunglyndir þessu ógeði. Ég hlakka líka mikið til að komast burt af þessu skeri í smá tíma! Ojj hvað ísland getur verið þreytandi.

Ég var að vona að ég yrði þessi...

2005-11-02T12:45:00.000Z

Revolver

1. nóvember 2005 - 54 dagar til Jóla

2005-11-01T13:40:00.000Z

Jæja, best að gleyma þessari vitleysu í bili og snúa aftur til daglegra ritverka.

Fátt þykir mér jafn niðurdrepandi í byrjun nýs mánaðar og verða fyrir vondbrigðum með launin mín. Afhverju er manni sagt þegar maður byrjar " Já, þú mutt vinna svona-og-svona marga tíma á viku sem gera svona-og-svona marga tíma á mánuði og samkvæmt því að þú sért með þetta í laun muntu fá 50.000 til 60.000 kr. í mánaðarlaun" þegar raunin er síðan allt önnur. Og ég var spurður hvort ég væri sáttur, auðvitað get ég ekki verið annað en sáttur, en þegar á launaseðlinum stendur allt önnur tala get ég ekki verið annað en svekktur.

En nýr mánuður er alltaf nýr mánuður, ný tækifæri og nýjar freistingar. Allt bendir til þess að Motýl sé á uppleið með nýjan gítarleikara í farteskinu. Stefnan er sett á fyrstu tónleika hans nú á fimmtudaginn í Gamla Bókasafninu í Hafnarfirði, en ég man ekki kl. hvað eða/og hvað kostar inn. Mér skilst samt að hljómsveitirnar Hello Norbert og Út/Exit muni einnig stíga á stokk.

Og meira um hljómsveitarmál, en pönkbandið Fire Kills Children, sem ég tromma nú fyrir, er að springa út með svo geysilega miklum krafti að annað eins hefur og mun ekki sjást í áratugi á íslenskri grundu og þótt víðar væri leytað! Við erum að gera annsi góða hluti þar mundi ég seigja. Wait and see...

Eitt að lokum, eins og ég sagði áðan fylgja nýjum mánuði nýjar freistingar, ný tækifæri og svona. Til dæmis ætla ég að nefna nýja Mars Volta plötu sem á víst að koma út 8. nóvember, og ber heitið Scab Dates. Á henni kemur fram fjöldi tónlistarmanna utan hljómsveitina sjálfa og er þetta, að mér skilst, live plata en þó einungis með nýju efni. Þetta er eitthvað sem áhugamenn um bandið ættu ekki að láta fram hjá sér fara. Á plötunni koma meðal annars fram menn á borð við Steve Taylor sem er sjálfstæður listamaður og söngvari og hefur meðal annars unnið með hljómsveitinni Chagall Guevara, og tekið þátt fjölda verkefna víðsvegar um heiminn, og fljöldi annara.

Það sem framtíðin ber í skauti sér...

2005-10-27T14:21:00.000Z

Já, það virðist vera að mín kynslóð, og örugglega tvær kynslóðir + & - mig virðast hreint ekki skilja afhverju þau eru búin að ganga í gegnum grunnskóla, og afhverju ÞAU völdu að fara í framhaldsskóla. Kerfið virðist ekki hafa virkað sem skildi þegar kemur að vali um framtíðarstarf til dæmis. Það var nánasts hulin ráðgáta fyrir mér minnstakosti, allan grunnskólan. Það þurfti hins vegar ekki nema einn vetur í Bandaríkjunum til að komast að því hvað ég vildi gera.

Mér finnst of margir krakkar á mínum aldri vera óákveðnir með framtíðina, seigja bara: "Hva? Eins og maður þurfti eitthvað að fara að hugsa um það strax. Mér dettur ábyggilega eitthvað í hug." Svör eins og þetta finnst mér persónulega dæmi um algjört kæruleysi. Hvernig ætlar þú að vinna vinnuna þína með áhuga ef þú veist ekki hvað þú hefur áhuga á? Og plús það eru flestir mínir vinir 18 ára eða + og flestir búnir að hafa allavegana síðustu 4 ár til að undirbúa sig fyrir lífstíðarstarf, eða hugsa um það að minnsta kosti, og nú standa þau á þeim punkti að þar eru kannski bara 2 ár í útskrift... hvað þá? Halda áfram að hugsa hvað þú vilt gera við líf þitt?

Á sama tíma er sama fólk að hella sig yfir mig út af því að ég stend mig ekki í einum ákveðnum áfanga í skólanum, og það er eins og himin og jörð muni farast, ég mun aldrei verða stúdent og deyja einn, yfirgefinn og einmanna ef ég næ honum ekki. Hversu afstsætt er það?

Hola!

2005-10-20T10:04:00.000Z

Jæja, komiði sæl og bless.

Ég er búinn að vera að skoða verðmuninn á iPod á íslandi og usa. Ég komst að því að dýrasti iPodinn kostar úti rétt um 26.000 íslenskar krónur. Hann kostar í Apple búðinni á Íslandi 64.900 krónur! Er það eðlileg álagning? NEI!

Annars vorum við Ösp svo heppin að vera ein af þeim sem fengu stúkumiða á Sigur Rós og Amina, en þeir seldust upp á 10 mínútum!! Ég hef held ég aldrei séð annað eins. Annaðhvort verður troðfull laugardalshöll eða þá að það var eitthvað óeðlilega lítið upplag af miðum á netinu! Ég er að deyja úr tilhlökkun. Sigur Rós eru nýbúnir að túra Bandaríkin og það var uppselt á flestalla tónleika þeirra þar, getur ekki verið annað en gott!

En annars hef ég lítið að seigja enda ekkert að frétta. :)

Chao!

America's 10 most expensive houses on the market!

2005-10-13T14:04:00.000Z

Já, það virðist hafa sjokkerað marga þessi grein hérna um lögregluna, lofa að gera þetta ekki aftur! :)

Hér er hinsvegar athyglisverð grein sem ég fann á netinu:

10 dýrustu hús Bandaríkjanna,

og sum þeirra eru ansi glæsileg verð ég að seigja.

Check it out! :)

Morgunstund með lögreglunni

2005-10-07T12:40:00.000Z

Já, ekki er nú öll ólukkan eins. Síðustu morgna hef ég átt erfitt með að vakna á morgnana þrátt fyrir að hafa þrjár vekjaraklukkur til þess. Í gærkvöldi fórum við Raggi, félagi minn, á tónleika á Gauk á stöng og átti ég svosem ekkert endilega von á því að það yrði auðvelt að vakna daginn eftir þar sem við fengum okkur nokkra öl. Við vorum komnir heim klukkan eitt og þá fór ég að sofa. Nú í morgun glaðvaknaði ég hinsvegar við vekjaraklukkurnar mínar, stökk á fætur, fór æi sturtu og hellti upp á kaffi. Lagði ég síðan á stað frá bústaðnum tilbúinn til að takast á við amstur dagsins. En nei, auðvitað þurfti lögreglan að stöðva mig fyrir ofhraðan axtur, 109 km/klst. Ekki nóg með það heldur leitaði hún á mér og í bílnum eins og ég væri bara einhver krimminalli! Ekki botnaði ég neitt í þessu, svo á endanum lét hún mig blása í blöðru og mældist ég ekki yfir áfengis mörkum. En það var ekki nóg gott fyrir greyið strákana sem þurftu að sjálfsögðu að fá betri sönnun, og leituðu uppi annan lögreglubíl með einhverjum nákvæmari mæli var mér sagt. Ég sá samt ekki mun á mælunum á neinn hátt, enda mældi hann það sama. Þeir kærðu mig samt fyrir ofhraðan akstur og óku mér í skólann, tóku samt bílinn og ég má gjöra svo vel og sækja hann í dag.

Fyndið hvernig svonalagað getur komið uppá þegar maður er voðalega duglegur að vakna á morgnana. Ekki beint það sem ég þurfti.

Leður og launamál.

2005-10-03T10:41:00.000Z

Jæja, nú er þessi fyrsta helgi mánaðarins liðin og var bara nokkuð skemmtileg. Hið rausnarlega fyrirtæki IKEA bauð okkur lager starfsmönnum út að borða á veitingarstaðinn Galileo þar sem boðið var upp á létta pastarétti, pizzur og bjór. Þetta átti vel við þar sem að 100% starfsmanna lagersins eru karlkyns. :) Nú eftir að við vorum búnir að borða var okkur öllum boðið niður í kjallara staðarins og þar keypti lagerstjórinn okkar bjór fyrir 40.000 kr. og fannst mér þá menn vera orðnir full rausnarlegir svona í byrjun mánaðar. Ég fór eftir þrjá...

Áður en ég fór í þetta teiti hinsvegar, fórum við Aspa mín á röltið niður Laugarveginn í von um að finna eitthvað fallegt til að eyða peningunum okkar í, ég reyndi eins og ég gat að finna sparnað en hann var hvergi að finna neinstaðar. Skil ekki afhverju þeir eru alltaf að auglýsa hann!? Hinsvegar fann ég leðurjakka sem ég skellti mér á, voða fínann.

Ég hef mikið verið að hugsa um Bandaríkin undanfarið, og um helgina sýndi mamma mér m.a. bréf sem hún fékk frá vinkonu sinni í Los Angeles og önnur vinkona hennar, Amerísk hringdi á sunnudagskvöldið. Virðist sem straumarnir fylgi vindáttinni. Mér þótti skondið að lesa annað bréfið þar sem vinkona mömmu lýsti því þegar hún þurfti að taka flug einhvert norður á bóginn til að fara á fund eða eitthvað álíka. Veðrið var svo vont að vélin þurfti að bíða í heila klukkustsund á meðan illviðrið gengi yfir. Á meðan var bein sjónvarpsútsending sem greindi frá því að flugvél sem sveimaði yfir L.A. ætti í vandræðum með lendingarbúnaðinn og þurfti hún að nauðlenda á þessum sama flugvelli. Þegar það tókst loks án þess að hún springi eða eitthvað álíka dramatískt gerðist fögnuðu áhorfendur og farþegar innilega. En biðin lengdist eins og oft vill verða og þurfti hún að bíða þarna á flugvellinum nánast alla nóttina, og viti menn, í sjónvarpinu var auðvitað sýndur glæpaþáttur þar sem spæjararnir voru staddir á vetvangsstað þar sem flugvél hafði brotlennt. :) Ekki dæmigert?

En ég er að hugsa um að fá mér kaffi í þessu ofurdýra mötuneyti hérna í FB.

Bless í bili!

Klukkaðir!

2005-09-26T15:21:00.000Z

Ég veit ekki um marga óklukkaða sem eru að blogga, ég veit t.d. ekki um einn einasta strák sem er að blogga... jú auðvitað, I.Paulsen! :)

Þannig að klukkaðir eru:

Nödlur.tk
og
Í. Paulsen

Klukk!

2005-09-26T14:52:00.000Z

Ég var víst klukkaður, veit ekki alveg hvernig þetta virkar en skilst að maður skuli seigja 5 hluti um sjálfan sig og síðan klukka fimm aðila að því loknu.

Ég á mér þann draum að geta unnið í stóru stúdíói í New York, eiga íbúð á 25 hæð í Mannhattan og vera með virtustu hljóðupptökumönnum heims. Þetta ætla ég að gera með því að klára fjögurra ára listnám hér við Fjölbrautaskólann í Breiðholti, fara að því loknu til Minneapolis og vera þar í tvö ár og læra hljóðupptökur, produceringu og tónlistar-viðskiptafræði. Eftir það kem ég til íslands, byggi upp stórt og flott stúdíó og fljótlega verð ég orðinn einn sá vinsælasti á landinu. Eftir það fer ég til NY og geri samning við eitthvað flott stúdíó eða útgáfufyrirtæki. Tek mér stöðu fyrir framan sleðana, tölvusjáinn og upptökutækið og svíf áfram inn í draumaheima tónvinnslu og hljóðblöndunar!
Ég á mér annan draum... að vera með Ösp, unnustu minni, til æviloka. Það er draumur sem ég er búinn að heita sjálfum mér að rætist fremur en nokkuð annað í lífinu. Það er nefnilega það merkilegasta sem ég hef lent í á minni ævi að detta inní ástarsamband með þessari yndislegu stelpu! Ohhh... enn sætt :)
Ég á mér of marga drauma til að vera að telja þá alla upp hér þannig að ég ætla að snúa mér að staðreyndunum... Fyrir næstu jól ætla ég að gefa út sjálfur plötu sem mun innihalda kannski 10 lög sem ég hef verið að vinna í og taka upp undanfarnar vikur, og kem til með að halda því áfram fram í desember. Þessi plata verður full af skemmtilegum pælingum og verður 95% með frumsömdu efni. Gaman gaman! :)
Veturinn 2003-2004 bjó ég ásamt fljölskyldu minni í St. Paul, Minnesota. Það er án efa eitt það skemmtilegasta sem ég hef gert um ævina, einstök reynsla sem mun nýtast mér alla ævi. Að fá tækifæri til að kynnast annari menningu að fullu var frábært og að vera í þessum viðfræga High School (Roseville Area High School) var engu líkt; Þar sem lögregla gekk um með byssu á beltinu; Þar sem maður þurfti skriflegt leyfi til að fara á klósetið, út úr tíma, út úr skólanum, út úr skólalóðinni eða bara hvað sem var; Þar sem mun eðlilegra þótti að fá sér í haus um helgar en að detta í það; Þar sem öllum fannst George W. Bush hálfviti; Þar sem allir þurftu að standa fyrir framan sjónvarpsskjá kl. 11:00 AM á mánudagsmorgnum, þar sem bandaríski fáninn blakti við hún, setja hönd á brjóst og fara með fánakveðjuna; og síðast en ekki síst, fá tækifæri til að upplifa áfangakerfi sem að virkaði. Engar eyður, ekkert kjaftæði, bara skóli frá 8:00 til 3:30 eða eitthvað og búið!
Ég á einn rafmagnsgítar sem heitir Gibson SG special og er bara einn sá besti gítar sem ég hef prufað um ævina. Hann er frábær og ég elska hann. Á hann hafa nánast öll Motýl lögin verið samin (eða kannski fullunnin öllu heldur) og hann er mjög ómetanlegur í mínum augum.

Helgin framundan

2005-09-23T09:33:00.000Z

Jæja, nú fer bara að koma helgi, og með hverri helgi fylgir... Juju, mikið rétt, los djammos locos! Ég er nú búinn að taka það vel út í sumar en ég hef ákveðið inní mér að þetta verði síðasta djammhelgin í einhvern tíma. Nó mor alkohol (eða elkahol eins og kaninn mundi seigja það).

Þá er það hvar og hvenar... well, það má seigja að þeir sem vilja koma með mér á síðasta djamm sumarsins verða að leita uppi gula hondu, einnig má reyna að stilla á X-FM eða X-ið á útvarpinu... ef það næst ekki ertu á réttum stað og í þeim bæ á forseti bandaríkjana heima. Það verður semsagt hörkuparty heima hjá forseta bandaríkjana, öllum boðið og mega stuð! Hljómsveit kvöldsins er skipuð þeim Tommy Lee Jones og Will Smith og kalla þeir sig Man In Black. Nánar um þá félaga á síðunni www.mib.is.

Anyways, það er hvergi skemmtilegra djamm um helgina hef ég heyrt þannig að vertu þar eða vertu ferhyrningur!

Keli - Þe súperhnakk of the seventís!

Skindikynni.is

2005-09-22T14:02:00.000Z

Það finnst öllum gaman að kynnast nýju fólki, það finnst mér minnsta kosti. En í dag urðu þau undarlegustu kynni sem ég hef lennt í.

Ég er mættur í skólan uppúr kl. 9 og er að leita mér að stæði. Ég finn ekkert stæði í fyrstu og keyri því útur bílastæðaröðinni en tek þá eftir því að tvær stelpur standa á gangstétt fyrir aftan bílinn og eru að veifa mér. Fyrst hélt ég að ég væri að keyra á en ég skrúfaði niður rúðuna til að athuga málið. Þá spurðu þær mig hvort ég væri á leið niður í mjódd. Ég ansaði því neitandi og sagðists bara vera að fara inní skóla að nördast í tölvunni inná bókasafni (eins og ég er að gera núna).

Þær voru þá í miðbæjar hugleiðingum og sögðust mundu missa af strætó ef þær fengu ekki far. Ég var sjálfur í eyðu þannig að ég ákvað bara að slá til og skutla stelpugreyjunum niður í bæ, ég geri díl við þær að þær gefi mér kaffi og þá yrðu allir sáttir. Heyrðu, við fórum á Hressó, sem ég hafði ekki komið inná áður btw. og þetta reynast vera heldur málelskar stúlkur. Allavegana komst ég lítið að í samræðunum.

En þarna sátum við, inn á Hressó, drukkum kaffi, og ég fékk að heyra alskinns sögur af fyrverandi og núverandi kærustum, ferðalögum og foreldrum, áhyggjum og væntingum. Mér þótti þetta merkilegt nokk þar sem að ég þekkti þær ekki skít fyrir 40 mínútum. Allt í einu vissi ég allt um líf þeirra, fortíð, nútíð og framtíð.

Þetta kalla ég skindikynni.is og fannst mér gaman að þessu. Alltaf gaman að kynnast nýju fólki.

En þetta er saga dagsins. Langar samt að kynna fyrir ykkur þetta nýja fyrirbæri sem komið er á markað. Það er eitthvað furðulegt að gerast í undirheimum tölvuþróunarinnar, en ég veit ekki hvað það er. Eitthvað óútskýranlegt. Ég kynni til sögunar iPod nano:

Oh it's such a perfect day!

2005-09-21T12:49:00.000Z

I'll better spend it with you...

Það var sól og logn og fallegt veður í borginni þegar ég fór í skólann í morgun, get ekki annað en verið í sólskins skapi. Ég hef gert minniháttar breytingar á síðunni, eða kannski beitt einhverju við öllu heldur. Hér er kominn teljari, gestabók og lítil könnun sem mér þætti vænt um að þið mynduð svara.

Sögur herma að mesta aðdráttarafl síðunnar séu typpasögurnar, eða semsagt sögurnar af því þegar ég þarf að teikna nektarmódel. Það þykir mér fyndið. Sérstaklega þar sem ég tek þetta nám mjög alvarlega! Þar að seigja módelteikninguna.

En ég hef nú ekki frá miklu að seigja eins og kannski sést á rithætti mínum. En það rusl... jæja, mér er ekki til setunnar boðið, best að fara að læra læra læra læra læra læra læra

Réttir

2005-09-19T12:52:00.000Z

Hér eru nokkrar skemmtilegar myndir úr réttunum. Ef vel er að gáð má sjá falleg andlit í bakgrunni.

"Ég reið..." (...í réttirnar)

2005-09-17T20:15:00.000Z

Já, nú getið þið öll verið stolt af mér þar sem ég tók mig til og reið í réttirnar í dag með Ösp og Siggu á Kaldbak. Með okkur slóust síðan í för Selalækjar systur. Þetta var miklu skemmtilegra en mig minnti, enda var ég á góðum hesti og í fínum félagsskap. En eins og við allt grín þá fylgir því nokkur alvara og varð útkoma reiðferðarinnar stærðarinnar rasssæri, bara sár! Aldrei lent í öðru eins. Nú sest ég niður og stend upp með kvölum, en ég held að Ösp og Selalækjar systur hafi fengið svipaða 'útreið'.

Þetta er semsagt saga dagsins, ég er með rassæri OG eyrnabólgu og á voða bágt. Þeir sem vilja vorkenna mér meiga smella á 'Comment' textann hér fyrir neðan.

Áfram heldur lukkan

2005-09-15T16:09:00.000Z

Já, mér sýnist að mér sé ekki ætlað að stunda nám. Í dag vaknaði ég eldsnemma, hress og kátur til að geta farið í sturtu, fengið mér morgunmat og tekið pensilínið sem á að lina þjáningar mínar í eyra (btw. úrskurður læknis=eyrnabólga!! ...ég er ekki 3ja ára, HALLÓ!). Þegar ég mætti í skólann var ekki einn einasti bíll á bílaplaninu. Þá kviknaði ljós, frí í fyrsta tíma útaf busaballi NFB í gær! Og svo átti ég að vera í eyðu tímann eftir það þannig að ég fór aftur heim í bústaðinn, samdi eitt lag og tók upp, mætti síðan tímanlega í skólann og þá var aðeins eðlilegra útlit á bílaplaninu ...ekki hægt að finna eitt skitið stæði eins og venjulega. Ég held samt að ég hafi fengið bara officialli eina stæðið á planinu. Ég beið síðan fyrir utan stofuna mína eftir að kennarinn kæmi, en viti menn, hann kom ekki, hann var veikur! Ég átti bara ekki til orð, og nú er ég svo æsstur yfir þessu öllu saman að ég get ekki hætt að skrifa. -

Annað skemmtilegt er komið aftur inní mitt líf, tónlistarskáldið. Ég get aftur farið að semja á fullu og hef verið mjög atorkusamur síðustu daga, eða í gær aðalega. Ekki skemmir að hafa skemmtilegt upptökuforrit í tölvunni til að leika sér með.

En jæja, nú náði ég auðvitað að skemma tölvuna, m takkinn datt af. Svona gerist þegar losnar um ritstíflu.

Nýja síðan mín!

2005-09-15T07:33:00.000Z

Jæja, hér er nú loks komin ný og viðunandi síðan sem markar tímamót í sögu ritlistar á Íslandi. Fylgist með og verið góð.